Atravè USCIS, administrasyon Trump lan mete sou poz tout aplikasyon tankou TPS, ajisteman estati (marye pou jwenn rezidans) benefisyè yo nan « Pwogram Biden » nan te soumèt bay imigrasyon, pou pèmèt yo rete nan peyi a aprè 2 lane pwogram nan te garanti yo a.
Daprè yon atik jounal @CBSNews pibliye 19 fevriye 2025, Administrasyon Donald Trump la mete sou poz demand imigrasyon moun ki te antre nan tout pwogram imigrasyon Prezidan Joe Biden te vini ak yo.
jounal la presize pou di se pa yon poz definitiv men se tanporè, paske yo estime gen moun ki mal antre Ozetazini nan pwogram sa yo, demand imigrasyon yo se: TPS, Azil, aplikasyon residans, elatriye, sa vle di si yon moun ou te antre nan pwogram imanitè Joe Biden yo, si ou te soumèt yon demand pou Azil oswa TPS li kapab pran plis tan pa rapò ak tan sa te konn pran deja, paske yo pral analize demand la pou yo wè eske pat gen okenn fwod oswa magouy ki te fèt lèw tap antre Ozetazini, men sa pa vle di yap rejete demand Azil ak TPS oswa rezidans ki an kou yo.
Atik la kontinye pou di poz la ap pran ti tan pou gade si gen moun ki antre ki pa reprezante yo menas pou sekirite enteryè peyi a epi yo pral amelyore pwosedi verifikasyon yo . Depateman sekirite enteryè ameriken poko pibliye okenn avi oswa nòt sou sa.