Aprè yon final rich avèk rebondisman, Juventus FC des Cayes ranpòte dezyèm edisyon Chanpyona nasyonal espesyal premyè divizyon an lè l bat 5-3 nan seyans penalite (2-2 aprè 90 minit yo) ekip AS Capoise la, dimanch 1e jen 2025 sa, nan pak Félix Saint-Victor nan Kap Ayisyen.
Yon final kote espetak la te orandevou. Yon match ki te kenbe pwomès li. Se Ralph Charles (18è) ak Mylove Dorvilien (52è) ki te make gòl pou ASC ; Mikerson Gilot (46è) ak Onelson Dorante te enskri gòl pou Juventus FC.
Gras avèk siksè sa, Juventus FC des Cayes pral reprezante Ayiti nan Caribbean Cup. Tandiske Association Sportive Capoise pral patisipe nan Caribbean Shield.
N ap raple, se uit (8) ekip ki te sòti nan de (2) gwoup nan sezon regilyè a ki te angaje pou jwe play-offs chanpyona nasyonal espesyal D1 an.
Jacky M. Fontaine, Centre à la UNE