Pou premyè fwa, yon òganizasyon ame ayisyèn sou << lis lawont >> #ONU pou vyolasyon grav dwa timoun. Kowalisyon gang << Viv Ansanm >> akize l ap fè rekritman fòse minè, vyolans seksyèl, omisid volontè ak atak sible kont lekòl ak lopital.
Rapò chak lane Sekretè jeneral #ONU pibliye jedi 19 jen 2025 lan drese yon tablo chokan sou sitiyasyon timoun yo an Ayiti. An 2024, plis pase 1.300 minè te viktim tou prè 2.300 vyolasyon grav, ale nan vyòl kolektif rive nan rekritman fòse, an pasan pa omisid volontè ak mitilasyon. Majorite egzaksyon sa yo atribye a kowalisyon kriminèl << Viv Ansanm >>, ki pran nesans nan inyon gwoup G9 ak G-Pèp.
Gwoup ame sa ki dezòmè konsidere kòm youn nan pi vyolan nan rejyon an kontwole plizyè zòn nan Pòtoprens epi kontinye etann anpriz li. Fas avèk sitiyasyon kritik sa, Sekretè jeneral #ONU an, Antonio Guterres di << li pwofondeman enkyete >> pa eksplozyon vyolans kont timoun yo, pandan li fè apèl a yon mobilizasyon ijan kominote entènasyonal la.
Enskripsyon sou lis nwa sa ta kapab antrene sanksyon sible kont responsab yo epi ogmante presyon sou otorite ayisyèn yo pou aji fas a yon efondreman sekiritè ki p at janm rive anvan.
Jacky Médé Fontaine
Centre à la UNE