Malgre kontra a sekrè, yon sous nan gouvènman Ayisyen an rapòte jounal Ameriken Miami Herald kontra konpayi mèsenè Erik Prince siyen ak Leta Ayisyen an ta nan 50 milyon dola pa ane. Konpayi Vectus Global deja genyen anviwon 8 mwa depi l ap opere Ayiti ak dwo-n jiskaprezan gang yo kontinye ap feraye.
Toujou selon atik sila Miami Herald pibliye vandredi 15 Out 2025 lan, fè konnen se Reuven Bigio, PDG GB Group ki entwodwi responsab konpayi Sekirite Vectus Global Eric Prince lan ann Ayiti selon sa Miami Herald rapòte. Gwoup Bigio se konglomera ki posede Aciéries d’Haïti ak Port Lafito.
Nan yon entèvyou li akòde ak Reuters jedi 14 dawout 2025 la, Erik Prince, yon alye prezidan ameriken Donald Trump e direktè Vectus Global, anonse konklizyon yon akò 10 lane ak gouvènman Ayisyen an pou konbat gang ame yo.
Pilwen Nan kontra 10 lane Leta Ayisyen siyen ak Erick Prince pou konpayi li a goumen kont gang yo, gen yon lòt kote nan menm kontra sa ki angaje konpayi a pou mete sou pye yon sistèm kolèk enpo sitou machandiz ki soti Repiblik dominikèn yo. N ap note montan lajan KPT a siyen kontra ak konpayi sekirite etranje sa’a rete sekrè.