Nan depatman Sant, sou yon total 5 754 kandida ki te patisipe nan egzamen yo, sèlman 2 861 admi, swa yon to echèk 50.28%. Tandans lan pa diferan pou rekale yo kote 61.16% elimine.
Si se yon katastwòf nan Latibonit, se yon echèk nan Sant nan egzamen ofisyèl Leta bakaloreya ak nan bakaloreya inik NS IV yo.
Dabò, pou eprèv ofisyèl ane akademik 2024-2025 la, sèlman 2 861 kandida admi sou 5 754 patisipan, pou yon to reyisit 49.72%, daprè sa MENFP kominike.
Paralèlman, 2 893 lòt elimine, swa yon to echèk 50.28%, daprè tablo rezilta yo.
Ansuit, MENFP pibliye tou rezilta rekale nan rejyon Sant lan. Done BUNEXE yo fè eta 275 admi sou 708 patisipan, pou yon to reyisit 38.84%. Sa fè nou wè yon to echèk 61.16%.
Echèk sa kandida Sant yo pran an èske li reflete deklarasyon resan minis Edikasyon nasyonal la, Antoine Augustin te fè lè li afime : << Lekòl nasyonal nan peyi a kraze. Elèv fou, paran fou, anseyan fou ? >>
Jacky Médé Fontaine, Centre à la UNE