Nou konnen dezòmè 42 nan 48 kalifye pou Koupdimonn 2026 la. 8 nouvèl seleksyon jwenn biyè yo nan dènye lè sa yo : Kiraso, Ayiti ak Panama nan zòn CONCACAF la, Espay, Bèljik, Swis, Otrich ak Ekòs an Ewop. Kontinan Ewop la konte dezòmè 12 kalifye, tandiske CONCACAF la depase pou premyè fwa ba 5 reprezantan ki asire.
Nouvèl konfimasyon sa yo sere eto pou dènyè plas yo ki ankò ap jwe. An Ewop, baraj yo afiche plizyè nouvo antran : Kosovo, Dànmak, Tiki, Bosni-Èzegovin, Peyi de Gal ak Masedwàn di Nò. Baraj entèkontinantal yo ap akeyi tou twa nouvèl nasyon : Irak, Jamayik ak Sirinam.
Men kalifye pou Mondyal la jiskaprezan (42/48) : Meksik-Etazini-Kanada (òganizatè), Frans, Angletè, Kwoasi, Pòtigal, Nòvèj, Almay, Peyi-Ba, Espay, Swis, Bèljik, Ekòs, Otrich, Ajantin, Brezil, Irigwey, Ekwatè, Kolonbi, Paragwey, Mawòk, Tinizi, Ejip, Aljeri, Kot d’Ivwa, Senegal, Kap-Vè, Gana, Afrik di Sid, Japon, Iran, Kore di Sid, Ostrali, Kata, Ouzbekistan, Arabi Sawoudit, Jòdani, Panama, Kiraso, Ayiti, Nouvèl-Zeland.
Men barajis ewopeyen yo (16/16) : Ikrèn, Iland, Itali, Albani, Tchèk, Woumani, Syèd, Iland di Nò, Slovaki, Polòy, Kosovo, Dànmak, Tiki, Bosni-Èzegovin, Peyi de Gal, Masedwàn di Nò.
Men barajis entèkontinantal yo (6/6) : RD Kongo, Bolivi, Nouvèl-Kaledoni, Irak, Jamayik, Sirinam.
Jacky Médé Fontaine, Centre à la UNE