Prezidan Konsèy Prezidansyèl Tranzisyon an (CPT), Laurent Saint-Cyr, nan yon nòt ki date 26 novanm 2026 la pran pozisyon klè sou koze revokasyon premye minis Alix Didier Fis-Aimé a. Li fè konnen li pa dakò ditou ak tantativ plizyè manm Konsèy la ki ta vle ranplase Premye Minis Alix Didier Fils-Aimé.
Nan yon lèt li voye bay tout manm KPT a, Laurent avèti ke manèv sa yo deja kreye yon gwo enkyetid nan opinyon piblik la, ogmante kè sote patnè entènasyonal yo, epi mete yon menas grav sou estabilite peyi a. Li lanse yon apèl pou inite, sajès ak responsabilite, nan enterè siperyè pèp ayisyen an.
Daprè li, nenpòt chanjman nan tèt gouvènman an, nan 2 mwa sèlman anvan dat 7 fevriye 2026, ta reprezante yon gwo kou sou efò ki deja ap fèt pou retabli sekirite nan peyi a. Li kwè chanjman sa ka kòz plis dezòd epi retade pwogrè ki gentan kòmanse fèt pou sekirite tabli.