Ansyen eli depatman Sant lan, Francisco De La Cruz arete lendi 19 janvye 2026 la an Repiblik dominikèn anvan yo remèt li a otorite polisyè ayisyèn yo nan nivo fwontyè nò ant de peyi yo.
Se komisè prensipal Léonard Anténor ki se responsab Polifront nan Nòdès ki konfime enfòmasyon an pou jounal Le Nouvelliste. « Otorite dominikèn yo remèt nou ansyen senatè Francisco De La Cruz, ki arete lendi a nan tèritwa vwazen an », se sa komisè a deklare nan laprès lokal.
Arestasyon ansyen senatè Francisco De La Cruz an Repiblik dominikèn : nouvèl la rapidman pwopaje toupatou. Lendi 19 janvye 2026 la, otorite dominikèn yo remèt a Polis Nasyonal Ayiti (PNH) ansyen senatè Sant lan, Francisco De La Cruz, ki arete nan tèritwa vwazen.
Daprè enstriksyon ki resevwa, ansyen palmantè a dwe transfere nan Sèvis depatmantal polis jidisyè (SDPJ) nan Nò pou suit nesesè yo.
N ap raple, Francisco De La Cruz, an 2024, te epengle pa Inite Lit kont Kòripsyon (ULCC) nan yon ankèt ki vize plizyè palmantè ki genyen soupson sou yo kòm moun ki genyen nan men yo materyèl ki se pwopriyete Sant nasyonal ekipman yo (CNE). Komisè gouvènman an te tande ansyen senatè a men okenn pousuit jidisyè p at angaje kont li.
Jacky M. Fontaine, Centre à la UNE