Concacaf U-17 Championship. Seleksyon ayisyèn foutbòl U-17 bò kote gason yo ap dispite eliminatwa mondyal nan kategori laj sa nan peyi Gwatemala sòti jedi 5 pou bout madi 10 fevriye 2026.
Kalandriye Ayiti pou eliminatwa mondyal gason U17 la.
Jedi 5 fevriye : 5è pm : Ayiti vs Grenade ;
Samdi 7 fevriye : 6è pm : Antigwa ak Babida vs Ayiti ;
Madi 10 fevriye : 8è pm : Ayiti vs Gwatemala.
N ap presize, venkè gwoup la ap kalifye pou faz final Koupdimonn Kata 2026 la.
Kite nou raple, seleksyon nasyonal Ayiti U-17 la ap pousuiv preparasyon li yo, anba direksyon antrenè Kovsky Saint-Vil. Ayiti jwe plizyè match zanmitay pou kontinye ak preparasyon li pou patisipasyon l nan eliminatwa zòn CONCACAF yo k ap mennen nan faz final Mondyal maskilen U17 FIFA k ap dewoule yon lòt fwa nan peyi Kata nan fen lane 2026 la.
Jacky Médé Fontaine, Centre à la UNE