Pati Ayisyen pou Demokrasi (PHD), nan yon nòt ofisyèl li pibliye dimanch 25 janvye 2026 la, di li trè konsène fas ak kriz miltidimansyonèl k ap frape peyi a, epi renouvle sipò li pou tout demach nasyonal ki vize retabli sekirite ak òganize eleksyon lib, kredib ak enklizif.
Pati a lanse yon apèl pou dyalòg politik ak konsètasyon nasyonal, nan objektif pou rive jwenn yon solisyon Ayisyen dirab, ki chita sou respè lòd konstitisyonèl la ak enterè jeneral la.
Li ensiste tou sou nesesite pou yon retablisman reyèl souverènte nasyonal la, yon kondisyon li konsidere kòm endispansab pou aparisyon yon konsansis politik ak pou òganizasyon eleksyon lib, san okenn fòm entèferans etranje.
Finalman, PHD repete atachman li ak Akò politik 3 avril 2024 la, epi li lanse yon apèl bay aktè politik yo ansanm ak sosyete sivil la pou yo fè prèv responsabilite ak lespri konpwomi.
Jefferson Bonissant, Centre à la UNE