Nan okazyon 4èm jounen playoffs Lig Ayisyèn Foutbòl la, plizyè rankont te nan pwogram nan samdi 24 ak dimanch 25 janvye 2025 la.

Nan pak Sténio Vincent, Racing Football Club Gonayiv te resevwa Ouanaminthe FC, yon match ki fini (0-0).

Nan pak Félix Saint-Victor Kap-Ayisyen, AS Capoise ak Baltimore SC fè match nil (2-2). Se Bertrand Vilgrain (40e) ak Marc Hélor Alcénat (90e) ki enskri 2 gòl Vieux Coq Capois yo, tandiske Dupiton Stravinsky sou penalty (53e) ak Eddyson Dorcélant (72e) make gòl pou ekip 4X4 la.

Nan samdi 24 janvye, Violette Athlétic Club fè (1-1) ak Cavaly AS nan pak Sainte-Thérèse. Dorley Evens Jean louvri eskò nan tan adisyonèl premyè peryòd la (46e+2) pou vizitè yo, anvan Desjean Elyvens egalize pou Vieux Tigres yo nan 86e minit.

Pou fini, Racing Club Haïtien ak Juventus FC Okay separe dozado (2-2). Sylvain Ronald (54e) ak Peterson Seïde (73e) fè gòl pou Vieux Lions yo, tandiske Kervens Romélus ofri 2 gòl (51e, 89e) pou ekip << Solo >> a.

Jacky Médé Fontaine, Centre à la UNE

By Centre à la UNE

Centre à la UNE se yon miltimedya sou entènèt ki te fonde 9 jiyè 2020. Li espesyalize nan bay nouvèl nan lang kreyòl, yon angajman ki reflete vizyon fondatè yo pou fè enfòmasyon pi aksesib pou kominote kreyòlofòn yo. Medya a genyen yon misyon pou enfòme, sansibilize, epi angaje moun sou sijè enpòtan nan sosyete a. Miltimedya sa a prezante atik, analiz, ak editoryal sou diferan domèn tankou dwa moun, politik, ak sosyete. Chak jou, editoryal li yo adrese pwoblèm enpòtan, souvan ak referans ak sitasyon otè ki enspire refleksyon pwofon sou kondisyon jèn Ayisyen yo ak sitiyasyon sosyo-politik Ayiti. Kòm yon medya angaje, li gen yon apwòch edikatif epi li chache ankouraje konsyans ak refleksyon nan mitan lektè li yo. Jounal sa a se tou yon espas pou kreyativite kote li prevwa pou ajoute caricatures k ap ilistre nouvèl oswa evennman k ap pase yo. Centre à la UNE se yon referans pou moun ki vle rete enfòme nan lang yo pi byen konprann. Nouvèl nou yo kredib e verifye ak yon rezo jèn jounalis profesyonèl e konpetan. Ou ka kontakte nou nan: journalcentrealaune@gmail.com e +549 351 262 7841