Nan yon kominike pou laprès nan dat 30 janvye 2026, Ministè Edikasyon Nasyonal ak Fòmasyon Pwofesyonèl (MENFP) pibliye rezilta konplè sesyon rekale bakaloreya pèmanan desanm 2025 la ki bay yon pousantaj reyisit 50,55% pou Segondè 4 nan nivo nasyonal.
Rezilta sa yo pibliye pou dis (10) Direksyon Depatmantal Edikasyon (DDE) yo pou Segondè 4 ak Segondè tradisyonèl (Filo).
Daprè done ki sòti nan Biwo Nasyonal Egzamen Leta (BUNEXE), rezilta sa yo ki vin konplete sa ki te manke yo pou depatman Nip ki bay yon pousantaj reyisit 87.21% pou Segondè 4 nan Direksyon Depatmantal Edikasyon sa a.
Sou plan nasyonal, pousantaj reyisit la pou Segondè 4 se 50.55%, sa vle di genyen 22 027 kandida ki admi sou 43 574 patisipan.
Nan dat 16 janvye 2026, MENFP te deja pibliye rezilta pou 9 Direksyon Depatmantal Edikasyon ki te pati konsa :
. Latibonit : 32.31%
. Sant : 41.54%
. Grandans : 34.96%
. Nò : 69.86%
. Nòdès : 39.94%
. Nòdwès : 49.58%
. Lwès : 53.96%
. Sid : 30.54%
. Sidès : 36.66%.
. Epi Nip ki vin konplete kounye a avèk 87,21 %. Kidonk se Direksyon Depatmantal Edikasyon Nip ki fè pi bèl mwayèn nan sesyon rekale bakaloreya pèmanan desanm 2025 la.
Ministè Edikasyon Nasyonal ak Fòmasyon Pwofesyonèl souliye tou rezilta pou Segondè tradisyonèl la yo rele Filo a disponib tou nan 10 Direksyon Depatmantal Edikasyon yo.
Jacky M. Fontaine, Centre à la UNE