Aprè 6 jounen tansyon ak konfwontasyon, Seri Ouvèti Chanpyona Nasyonal Lig Ayisyèn Foutbòl la devwale anfen ewo li yo. Violette Athlétic Club ak Baltimore Sportif Club dekwoche plas yo pou ale jwe final.
Nan Gran Nò a, Baltimore SC nan pak Antoine Levelt wonfle Racing FC des Gonaïves (2-0), dimanch 1e fevriye 2026 la, nan okazyon dènye jounen play-offs Lig Ayisyèn Foutbòl la, sa ki ba li dwa valide biyè pou gran final la. Se gras ak Schneider Joseph Jr (24e) ak Hilaire Reynaldo (55e) minit ki fè gòl pou ekip Flamengo a. Siksè sa pwoteje Datus Ernso yo fè a pèmèt Baltimore SC fini premye nan gwoup Nò a avèk 10 pwen.
Violette AC vs Baltimore SC : final la pral jwe an match ale-retou. Se pral yon match ki anonse koulè kote espektak pral nan chak jès, chak pas ak chak chout. Fanatik foutbòl ak tizè boul pral gate pou suiv fas a fas sila ki senbolize yon renesans foutbòl ayisyen an, yon melanj k ap vibre a kreyativite, rigè ak pasyon.
Men rezilta 6èm jounen playoffs Seri Ouvèti D1 Sezon 2025-2026 yo :
Dimanch 1 fevriye 2026
Gwoup A (Gran Nò)
Ouanaminthe FC 0-1 AS Capoise
Baltimore SC 2-0 Racing FC ;
Gwoup B (Gran Sid)
Racing CH 0-3 Violette AC
Cavaly AS 2-0 Juventus FC.
Klasman | J6. Gwoup A
1. Baltimore SC 10 pwen
2. Racing FC 8 pwen
3. AS Capoise 8 pwen
4. Ouanaminthe FC 7 pwen ;
Klasman | J6. Gwoup B
1. Violette AC 14 pwen
2. Cavaly AS 9 pwen
3. FC Juventus 4 pwen
4. Racing CH 3 pwen.
Jacky Médé Fontaine, Centre à la UNE