Nouvo seleksyonè ekip nasyonal maskilen U-20 Ayiti a, Raúl Valentín González Triana, pral dirije jèn Grenadye yo nan eliminatwa Concacaf yo ki fèt an de faz, e ki bay kalifikasyon pou plizyè gwo konpetisyon entènasyonal :
• 25yèm edisyon Koup di Mond FIFA U-20 la, ki pwograme pou 2027 an Azèbadjan ak Ouzbekistan,
• Jwèt Panameriken 2026 yo ki pral dewoule an Repiblik Dominikèn,
• ansanm ak Jwèt Olenmpik Los Angeles 2028 yo.
Jèn Grenadye yo klase nan gwoup D a, kote yo pral fè fas ak Kiraso, Giyàn, Sen Vensan e Grenadin ak Angiya. Match premye faz yo ap jwe nan Stadion Rinaldo Jean Francisca, Kiraso, selon kalandriye ki nan grafik la .
Objektif prensipal la se fini premye nan gwoup la, sa ki ta bay ekip la kalifikasyon pou faz k ap vini an, kote li pral chache tikè pou gwo konpetisyon entènasyonal FIFA yo.
Preparasyon seleksyon ayisyèn nan te demare wikenn ki sot pase a ak yon faz deteksyon, ki te vize jwè k ap evolye nan Lig Ayisyèn Foutbòl la (LHF). Apre etap sa a, pi bon eleman yo kap chwazi pou pèmèt ekip la prepare seryezman pou de (2) faz eliminatwa Concacaf yo.
FHF Kominikasyon, 8 fevriye 2026
Centre à la UNE