Mgr Jude Thaddeus Okolo nonmen nons apostolik an Ayiti

ByCentre à la UNE

Fév 12, 2026

Pap Léon XIV nonmen Mgr Jude Thaddeus Okolo kòm nouvo nons apostolik an Ayiti, sa ki mete fen a de (2) lane vakans nan pòs kle sa a.

Li se orijinè Nijerya, li pale plizyè lang, Mgr Okolo ki genyen 69 lane vini aprè Mgr Francisco Escalante Molina. Mgr Jude Thaddeus Okolo se diplomat ki genyen anpil eksperyans, li te sèvi nan Siri Lanka, nan Antiy yo, nan Repiblik dominikèn epi nan Repiblik tchèk.

Nominasyon Mgr Okolo vini nan yon kontèks difisil kote kriz tout kalte ap brase bil peyi Ayiti ; lè nou konnen Legliz katolik rete yon aktè majè nan lavi politik, sosyal ak espirityèl peyi a.

Jacky Médé Fontaine, Centre à la UNE

By Centre à la UNE

Centre à la UNE se yon miltimedya sou entènèt ki te fonde 9 jiyè 2020. Li espesyalize nan bay nouvèl nan lang kreyòl, yon angajman ki reflete vizyon fondatè yo pou fè enfòmasyon pi aksesib pou kominote kreyòlofòn yo. Medya a genyen yon misyon pou enfòme, sansibilize, epi angaje moun sou sijè enpòtan nan sosyete a. Miltimedya sa a prezante atik, analiz, ak editoryal sou diferan domèn tankou dwa moun, politik, ak sosyete. Chak jou, editoryal li yo adrese pwoblèm enpòtan, souvan ak referans ak sitasyon otè ki enspire refleksyon pwofon sou kondisyon jèn Ayisyen yo ak sitiyasyon sosyo-politik Ayiti. Kòm yon medya angaje, li gen yon apwòch edikatif epi li chache ankouraje konsyans ak refleksyon nan mitan lektè li yo. Jounal sa a se tou yon espas pou kreyativite kote li prevwa pou ajoute caricatures k ap ilistre nouvèl oswa evennman k ap pase yo. Centre à la UNE se yon referans pou moun ki vle rete enfòme nan lang yo pi byen konprann. Nouvèl nou yo kredib e verifye ak yon rezo jèn jounalis profesyonèl e konpetan. Ou ka kontakte nou nan: journalcentrealaune@gmail.com e +549 351 262 7841

AKTYALITE ANVIWONMAN