Alòske FBI te mete tèt Vitel’homme Innocent a pri pou 2 milyon dola, Miami Herald rapòte chèf gang << Kraze baryè a >> yo retire l nan lis << dis fijitif yo plis ap chèche yo >>.
Biwo federal envestigasyon (FBI) retire non Vitel’homme Innocent sou lis « dis moun yo te plis ap chèche » malgre te gen yon prim 2 milyon dola sou tèt li. Dapre Miami Herald, ajans lan estime chèf gang « Kraze Baryè » a pa reponn ankò ak kritè ki nesesè pou rete sou lis la, sitou paske yo deja lokalize li ann Ayiti, e prezans li sou lis la pa ta pote plis enfòmasyon ki ta mennen nan arestasyon li.
FBI a fè konnen, malgre gwo kouvèti medyatik depi 2023, ankèt la pa rive pèmèt yo arete li. Konsa, Vitel’homme Innocent vin 15yèm moun yo retire sou lis la depi 1950 san li pa t arete, san li pa mouri, ni san yo pa abandone akizasyon yo. Sepandan, ajans lan presize rechèch yo kontinye ap fèt aktivman pou arete li.
Anplis, otorite ameriken yo fèk mete yon prim 1 milyon dola sou tèt Johnson André, yo rele Izo, chèf gang « 5 Segond », ki alye ak kowalisyon « Viv Ansanm ».
Jacky Médé Fontaine, Centre à la UNE