Ajan imigrasyon amerikèn yo depòte Dahana Théodore ki se madanm Luckson Elan alias( jeneral la) ki se #1 baz gran grif Savien an, ansanm ak tou 2 pitit li yo dimanche 30 oktòb 2022 a, apre anviwon yon lane li te fè ap vin nan rejyon an.

Dahana ki te sòti Mexique rantre etazini, li tap viv Lake Worth, zòn West Palm Beach Florida. Imigrasyon poze lapat sou li pandan li tal resevwa yon mago lajan, Luckson chèf bandi Savien an te voye ba li.
Kòm se pat 1er gwo lajan li tal resevwa nan Western Union, ajan ki tap remèt li kòb la te oblije poze l kesyon sou moun ki voye kòb la ak kisa li pral regle ak pil lajan sa a.

Bandi nan Savyen yo pa sispann touye moun, boule kay, vyole fanm epi dechèpiye manb popilasyon an ki ap mande sekou otorite yo ki.

Samuel Guillaume, Centre à la UNE

By Centre à la UNE

Centre à la UNE se yon miltimedya sou entènèt ki te fonde 9 jiyè 2020. Li espesyalize nan bay nouvèl nan lang kreyòl, yon angajman ki reflete vizyon fondatè yo pou fè enfòmasyon pi aksesib pou kominote kreyòlofòn yo. Medya a genyen yon misyon pou enfòme, sansibilize, epi angaje moun sou sijè enpòtan nan sosyete a. Miltimedya sa a prezante atik, analiz, ak editoryal sou diferan domèn tankou dwa moun, politik, ak sosyete. Chak jou, editoryal li yo adrese pwoblèm enpòtan, souvan ak referans ak sitasyon otè ki enspire refleksyon pwofon sou kondisyon jèn Ayisyen yo ak sitiyasyon sosyo-politik Ayiti. Kòm yon medya angaje, li gen yon apwòch edikatif epi li chache ankouraje konsyans ak refleksyon nan mitan lektè li yo. Jounal sa a se tou yon espas pou kreyativite kote li prevwa pou ajoute caricatures k ap ilistre nouvèl oswa evennman k ap pase yo. Centre à la UNE se yon referans pou moun ki vle rete enfòme nan lang yo pi byen konprann. Nouvèl nou yo kredib e verifye ak yon rezo jèn jounalis profesyonèl e konpetan. Ou ka kontakte nou nan: journalcentrealaune@gmail.com e +549 351 262 7841