Daprè sa Fox News ki se yon jounal pwo-repibliken pibliye vandredi 2 jiyè 2024 la, DHS p ap bay otorizasyon vwajay pou yon ti tan, aprè yo fin dekouvri plizyè ka fwod andedan pwogram nan. Jounal la fè konnen pa pridans, y ap mennen yon ankèt pou konn kisa bagay la ye, kote DHS pral pran mezi pou detekte fwòd sa yo.
Daprè premye ankèt la, 100 948 fòmilè ranpli pou 3 218 esponsò, kote 24 nan 1000 nimewo ki plis itilize yo se pou moun ki mouri deja. 100 adrès itilize ant 124 e 739 fwa sou plis pase 1000 fòmilè, yon nimewo telfòn itilize sou plis pase 2000 fòmilè.
Toujou daprè jounal la, depi nan mitan mwa jiyè a yo fè yon kanpe sou otorizasyon vwayaj yo pou ankèt, men se yon kanpe pwovizwa, ki pa definitif.
Sadrax Ulysse, Centre à la UNE