Rapò a revele ke Habitant te patisipe nan tranzaksyon ki enplike vann machandiz ki ta vòlè ak founi enfòmasyon sou disponiblite katouch pou sèvi enterè gang yo.
Pami akizasyon ki pi grav yo, FJKL fè konnen Magalie Habitant te aji kòm entèmedyè ant chèf gang Kempès ak ansyen depite Prophane Victor pou achte 20 kès katouch divès kalib.
Tranzaksyon sa a, ki te estime a 70,000 dola ameriken, montre nivo òganizasyon ki egziste nan rezo sa yo. Mesaj WhatsApp ki ta dekouvri yo bay prèv sou wòl li nan fasilite kominikasyon ak lojistik pou operasyon sa yo.
Anplis, rapò a mete aksan sou enplikasyon chofè li, Lenès Jean Philippe, ki ta sèvi kòm yon zouti pou transfè lajan, sa ki mete ann evidans yon sistèm byen estriktire pou sipòte gang yo.
Yon lòt pwen enpòtan se patisipasyon yon gwo biznisman, ke non li poko revele, ki ta gen lyen ak Habitant pou finansman endirèk aktivite kriminèl atravè koneksyon ak chèf gang yo.
Akizasyon sa yo mete limyè sou yon rezo konplèks ki pa sèlman enplike aktè politik ak kriminèl, men tou moun ki nan aktivite ekonomik.
Jean Lauly AVRIL, Centre à la UNE