Yon jij federal Nou Yòk bloke desizyon administrasyon Trump lan ki vize mete fen avèk Estati Pwoteksyon Tanporè (TPS) pou Ayiti.
Jij Brian M. Cogan, ki wè nan mezi sa yon sous vyolasyon dwa moun, pran desizyon sa pou fè respekte lalwa. Kidonk, TPS pou Ayisyen yo pwolonje jiska 2 fevriye 2026 menm si li ankò posib pou administrasyon Trump lan fè apèl nan nivo kou siprèm ki nan vakans aktyèlman.
N ap raple, administrasyon Trump lan te anonse fen pwogram Estati pwoteksyon tanporè pou Ayisyen yo. Nan yon anons jounal Fox News fè vandredi 27 jen pase a, se anviwon yon demi-milyon Ayisyen ki Etazini desizyon sa konsène. Se yon desizyon ki t ap rantre an aplikasyon apati 2 septanm 2025 e li te pran ankont 50.000 Ayisyen ki menase pou yo voye tounen nan peyi yo.
Si anpil moun te gentan di finalman administrasyon Trump lan deside koupe TPS pou migran Ayisyen yo, jij federal Brian M. Cogan bay lespwa ankò avèk Ayisyen sa yo ki nan yon sitiyasyon ki pa konnen ki sen pou yo rele.
Jacky M. Fontaine
Centre à la UNE