Seleksyon maskilen U-17 la pral patisipe nan Koup dimonn k ap fèt nan peyi Kata, sòti 3 pou rive 27 novanm 2025.
Anvan seleksyon maskilen foutbòl la nan kategori U-17 kite Ayiti, yo ap jwe yon match amikal kont seleksyon Gran-Nò a mèkredi 27 dawout 2025 sa nan Pak Félix Saint-Victor apati 4è nan aprèmidi. Rankont sa ap dewoule nan kad preparasyon seleksyon an ki kalifye pou faz final Koupdimonn U-17 la ki pral òganize Kata, 3 pou 27 novanm k ap vini la.
Aprè match preparatwa sa nan site Kristofyèn nan, ekip la dwe pran avyon pou rann li 28 dawout nan peyi Jamayik. Seleksyon an dwe rete jiska 15 septanm 2025 nan objektif pou kontinye preparasyon yo. Aprè eskal jamayikèn nan, seleksyon ayisyèn foutbòl U-17 la dwe enstale an Espay sòti 15 pou rive 30 septanm anvan li pran direksyon Kata pou dispite Koupdimonn lan, k ap fèt sòti 3 pou 27 novanm 2025.
Jacky M. Fontaine, Centre à la UNE