2 moun blese, 2 moto kraze nan konfli ki opoze komin Tomond ak Komin Laskawobas pou kontwòl seksyon lawòy lendi 27 jen 2022.
Ajan egzekitif enterimè komin Tomond, Mathéus Bernadeau akonpanye ak lapolis plis sivil ame debake nan seksyon lawòy pi presizeman nan mache kas la ki se yon mache ki trè frekante e ki fonksyone jou lendi pou te ale mete definitivman seksyon sila sou lòd li maten lendi 27 jen 2022.
Divès manb nan popilasyon an, pat kontan ak ide sa, yo pwoteste pou mande pou leta santral fè lawòy vini komin oubyen kite li kòm twazyèm seksyon kominal laskawobas depatman Sant Ayiti.
Entèvansyon ajan egzekitif la ta pral provoke anpil tansyon nan seksyon sila , kote lapolis tire anpil kout bal ak gaz lakrimojèn.
Bilan : Yon moun blese ak bal e yon lòt blese ak kouto, 2 moto kraze pa ajan UDMO ki te la. Moun ki te ak majistra a sezi so administrasyon seksyon lawòy la e te tou vini ak pa yo pou te sele papye nan mache kas la. Yon lòt kote kèk manm nan popilasyon an rive sezi so majistra a te vini an tou.
N ap raple nan dat 13 fevriye 2006 gouvènman Boniface Alexandre te pran yon dekrè pou mete seksyon lawòy sou kominn Tomond men moun Laskawobas pa janm aksepte pou lawòy pa sou kontwòl Laskawobas ankò.
Jean Anderson Brevil
