PNH rann piblik samdi 13 Dawout 2022, nan kad yon ankèt ki mennen madi 9 rive jedi 11 dawout 2022 pa SDPJ-SANT, nan kad asasinay Madam Saintile Anicie alyas Man Nènè, lapolis nan vil Tomasik mete anba kòd:
1- Jeff Thomas, ki arete suit yon manda rale mennen vini li te genyen dèyè li. Li te rete menm kote ak Madam Saintile Anicile ke yo te jwenn kò li boule lakay li nan dat lendi 2 me 2022.
2- André Weedf, 52 lane orijinè Tomasik arete tou paske Jeff Thomas denonsel kòm moun ki ta patisipe nan touye Man Nènè.
3-Gertrho Gauthier 59 lane, orijinè 2yèm seksyon Mamon, lokalite Lasgwam arete tou kòm prezime otè zak asasinay yon lòt moun ki pote non Marie JOSEPH .
Pou kounye a lapolis fè konnen tout 3 moun sila yo nan gadavi annatandan suit jidisyè yo.