Mesye dam akò Montana yo ki genyen ekonomis Fritz Alphonse Jean kòm prezidan ak ansyen Senatè Steven Benoit premye minis nan trazisyon koupe fache y ap pwone a genyen dezakò nan aplikasyon akò a.
Biwo suivi akò Montana a ak lòt òganizasyon siyatè akò sa denonse ak tout fòs yo manèv manipilatwa BINUH ak yon dirijan VDH ap tante fè pou al pote kole ak premye minis Ariel HENRY nan yon nòt yo mete deyò ayè dimanch 25 Septanm 2022 a.
Mesye Dam BSA yo mande pèp ayisyen an pou yo vijilan, kale je yo pou wè move zangi ki soti pou al pote ranfò ak chef primati a ki soti pou dechèpiye yo ak mòvèz gouvènans lap pratike yo.
Selon nòt sila, Biwo swivi akò Montana deklare yo pa anchepe pèson al dodo meya nan pouvwa a, sepandan yo dwe evite ale nan non akò Montana. Biwo a kontinye poul di yo p ap antre nan dinamik al krache sou mouvman pèp la e sitou yo gen yon dokiman ki defini klèman yon solisyon ak kriz ki la a kap brase bil peyi a; «Élément pour un élargissement du consensus politique/ Montana PEN un consensus politique national entre les acteurs politiques, économiques et sociaux».
Yon bò dirijan yo fè konnen yap travay pou pote yon mèyè solisyon ak kawo Ayiti ap fè fas la epi pèmèt peyi a trape souvèrentel li pèdi pandan yon bon bout tan. E yon lòt bò yo fè konnen yo prè pou travay ak nenpòt estrikti ki vle pote bourad yo nan travay sila a.
Yo fini pou di kèlkeswa moun oubyen òganizasyon ki al pote kole nan siyen dokiman ki pote non Consensus national pour gouvernance participative et des élections inclusives se afè pa yo yal regle e non zafè pèp.
Reginal LOUIS, Centre à la UNE