Mouvman protestasyon yo kontinye nan vil Gonayiv toujou ak vyolans.
Byen bonè lendi 26 septanm 2022 a,Vil Gonayiv konnen yon jounen tansyon, kote moun yo pa idantifye mete dife nan biwo ministè ekonomi ak finans plis lameri. Aprè zak sa sitwayen yo nan vil Gonayiv foule beton an pou mande PM Ariel Henry kite tèt primati a .
sitwayen yo barikade tout kote nan 4èm vil peyi a epi pakouri nan plizyè ri nan site endepandans lan. Se te okazyon pou sitwayen yo fè konnen yo p ap kanpe sou mobilzasyon an kise fosè PM Ariel Henry kite pouvwa a swit a desizyon li pran pou monte gaz la mete sou yon latriye pwoblèm yo di y ap konnen pandan dènye tan sila yo.
Pòt pawòl sendika brokè ak debadè waf vil gonayiv la deplore biwo depatmantal ministè ekonomi ak finans plis lameri ki boule a. Li fè konnen ekip li a pran distans ak fòm pratik sa yo e se rezon sila ki fèl pat patisipe nan manifestasyon jounen an.
Nap siyale nan dènye jou sa yo mouvman protestasyon nan site endepandans lan souvan genyen kraze brize ak dechoukay.
Israël CEDIEU, Gonayiv pou Centre a la Une.
