Kanada anonse Mèkredi 26 Jen 2024 la, li pral kontribye yon lòt $5,7 milyon finansman pou apiye deplwaman Misyon Sipò Sekirite Miltinasyonal pou Ayiti a.
Minis Afè Etranje Melanie Joly anonse jodia ke Kanada pral mete lajan an nan Fon Nasyonzuni tabli pou misyon MMSS Ayiti a.
$5,7 milyon sa a se yon sòm an plis de $80,5 milyon Kanada te anonse pou Fon Nasyonzuni an nan mwa Fevriye ane sa a. Lajan sa a prale pou apiye dirèkteman deplwaman misyon Kenya ap dirije a, daprè sa gouvenman Kanadyen an di.
Kanada fè konnen l ap travay tou ak peyi k ap kontribye nan misyon MMSS la pou fè fòmasyon pou polisye yo pral deplwaye yo epi tabli mekanism pou anpeche abi dwa moun ak zak vyolans ak abi seksyèl kont fanm ak timoun epitou omoseksyèl yo.
Met sou $5,7 milyon li anonse jodia, Kanada te kontribye $12,5 milyon pou apiye 3 pwojè ki gen kom bi pou ranfòse PNH la epi amelyore sekirite a pou sitwayen Ayisyen yo.