Pèsonèl ki sante yo nan Savanèt deside sispann travay jiska nouvèl lòd selon sa yo fè konnen nan yon nòt yo rann piblik Jedi 10 Oktòb 2024 la.
Endividi gran chimen anpil moun konnen sou non Tino ak lòt akolit li Tiricha ensi koni antre nan matènite Savanèt Mèkredi 09 Oktòb 2024 bò 11 zè nan aswè fè tantativ asasina sou responsab matènite a Ismaël Joseph ak medsen rezidan François Frantz ki ap bay swen sante yon bon tan nan kominote Savanèt la selon sa yo esplike nan nòt la.
Medsen yo rakonte Tino rale kouto epi rive frape yo tou 2. Alòske medsen yo inyore rezon ki fè mesye sila yo rive fè atak sou yo.
Sitiyasyon saa pouse non sèlman rezidan ki viktim yo ak tout rès pèsonèl sante yo pran desizyon pou yo sispann travay jiskaske aksyon piblik metel an mouvman kont endividi gran chimen sa yo ki ap kreye latwoublay nan mitan popilasyon an.
Administrasyon sant lan fè konnen yo deja deside ak tout pèsonèl sante yo nan Savanèt pou pote plent fòmèl kont endividi ki gen non Tino e ki siyen Noisette
Nap raple sant sante Fani Monteo gen anpil mankman. Pa gen sekirite, pa gen laboranten, medsen nan sant lan se sèvis sosyal y ap fè, se sant lan ki akonpaye yo nan kèk bezwen ak mèg mwayen ke l genyen. Pa gen entran ak medikaman pou akonpaye malad yo etc …Anplis sante Fani Monteo se sèl espas sanitè ki disponib pou popilasyon an vin pran swen ka yo nenesiste .