Nan priyè Pap Franswa tap fè dimanch 13 oktòb 2024 la, li egzòte kominote entènasyonal la pou yo pa bliye pèp Ayisyen k ap fè fas ak vyolans.
Chèf legliz katolik la di l ap suiv jan pèp ayisyen an ap soufri akoz vyolans gang yo.
Yon sitiyason « dramatik » ki fòse moun yo kouri kite peyi a.
« Moun yo oblije kite kay yo, pou y al chache sekirite lòt kote » dapre Pap la ki mande kominote entènasyonal la pou travay nan lide pou konstwi lapè ak rekonsilyasyon nan peyi a.
Nan moman lapriyè sa dapre sa jounal Vatican News Rapòte Pap la di « Piga nou bliye frè ak sè Ayisyen nou yo ».
Li ale pi lwen , Kote li egzòte fidèl li yo pou priye pou tout fòm vyolans kaba an Ayiti.
N ap raple vyolans gang yo an Ayiti fòse plis pase 700 mil moun kouri kite kay yo pou y al refijye yon lòt kote, selon dènye rapò OIM te mete deyò a.
Pou kounya, gen yon fòs miltinasyonal ki gen nan tèt li peyi Kenya k ap ede Lapolis Nasyonal Ayiti goumen kont gang yo nan peyi a.