Administrasyon Trump la mande Ajans Ameriken pou Devlopman Entènasyonal (USAID) pou l bloke pou 90 jou tout asistans etranje l ap bay ann atandan yo revize asistans sa yo.
Daprè done USAID pibliye sou sit li, Ayiti te resevwa $420 milyon asistans pandan ane 2024 la.
Men kijan lajan an te distribye:
Repons Sityasyon Ijans – $230.9M
Sida / VIH – $57.62M
Depans Operasyonèl – $26.02M
Edikasyon de Baz – $12.37M
Agrikilti – $15.55M
Dlo ak Sanitasyon $12.54M
Gouvènans ak Sosyete Sivil – $21.59M
Sante Matènèl, Timoun, Planin Familyal – $19.06M
Sante de Baz – $10.31M
Pwoteksyon Anviwonmantal Jeneral – $7.187M
Asistans Alimantè, Devlopman, Sekirite Alimantè – $10.24M
Mezi pou bloke asistans Etazini ap bay ak lòt peyi a rive tou sou misyon sekirite Ayiti MSSM nan. Selon divès medya Ameriken genyen 2 ekspè nan sekirite administrasyon Biden nan te pran pou ede MSSM nan, ki deja resevwa emèl ki mete yo sou poz.
N ap raple, Ayiti te okipe premye plas sou lis peyi nan rejyon Amerik Latinn nan ki resevwa plis asistans nan men USAID.