Awondisman Mibalè plis pase 4 mwa majorite awondisman anba kontwòl bandi pitit yo ap soufri mal dòmi, anpil jèn fanm tonbe nan pwostitisyon, jèn gason tounen mandyan
Tan ap pase Leta ayisyen kwaze bra l epi mete linèt li sou pwent nen l ap gade nou k ap soufri, politisyen yo pa sispan fè kout kat mal taye sou do le pèp. Lè nou gade kantite atak bandi ame yo fè soti 31 mas pou rive nan mwa out la, sa montre bandi yo plis vle avanse pran lòt teritwa olye lapolis ta fè plan pou pren espas ki pèdi di yo, eske se ta vre responsab sekirite nan Depatman Sant la pa gen plan yo menm pou atake bandi yo ?
Daprè sa anpil pitit Sodo ap Mibalè fè konpran espwa koumanse ale lè y ap gade Kòman sa ap fèt, moun yo pa kache mekontman yo pou kritike moun nan sosyete sivil yo ki te al kache dèyè lidè politik pou ba yo fo espwa nan di yo pa lontan y ap tounen lakay, nan fè yo kwè y ap goumen ak teknik pou yo ka pasyante
Yon bò lapolis ap pwoteje gouvènman pou montre yo gen kontwòl sitiyasyon, yon lòt bò lide politik pa sispan resevwa kaka aran pou kenbe konfò yo, epi moun nan sosyete sivil ki pa sispan kriye dèyè nominasyon
Yon sistèm ki byen etabli, e ki ranpli ak chyen de gad
Aprè plis ke 4 mwa bandi anvayi depatman Sant èske n ap repouse yo, ou byen yo menm y ap pwogrese ?
Joseph Samuel GUILLAUME