Anba enstriksyon Direktè Jeneral a.i Polis Nasyonal d’Ayiti a Rameau NORMIL, responsab yo nan wo kòmandman an remèt DDC yon lo ekipman konba ayè mèkredi 9 avril 2025 la, yon fason pou konbat ak efikasite gang ame ki anvayi popilasyon sivil la nan Sodo ak Mibalè, selon sa responsab PNH yo pibliye jedi 10 avril la.
Responsab yo di yo kwè remèt ekipman sa yo se yon pati nan ranfòsman kapasite operasyon polisye yo ki angaje nan yon gwo batay kont gang ame k ap fin kraze komin Mibalè ak Sodo. Yo di Polis Nasyonal la gen entansyon bay yon « repons pwopòsyonèl » ak abi gang ame komèt epi netralize yo, yon fason pou pèmèt sitwayen yo retounen nan aktivite nòmal yo ak yon lapè total.
N ap note, jedi 10 avril 2025 la fè egzakteman 10 jou depi gang ame yo nan kowalisyon Viv Ansanm te anvayi komin Sodo ak Mibalè, kote yo tiye, piye, boule, kraze epi brize.
Centre à la UNE