Melissa ap rapousuiv ap trajektwa l epi li demere yon menas potansyèl pou peyi tankou Ayiti, Jamayik ak Repiblik dominikèn, daprè sèvis meteyowolojik Etazini. Tanpèt la pase nan kategori 4 pandan mwa oktòb la. Van yo entansifye ak avès yo ap miltipliye.
Nan Kingston, an Jamayik, plizyè katye deja sibmèje. Bilan pwovizwa fè eta kat (4) mò. An Ayiti, twa (3) mò resanse nan Gran Sid, yon zòn plase an alèt wouj.
Otorite yo mande popilasyon an pou vijilan epi egzòte yo pou suiv alalèt konsiy ofisyèl yo. Daprè previzyon yo, je Melissa ta dwe kite rejyon an disi madi.
Sou enfliyans Melissa, ki transfòme an ouragan kategori 1, depatman Sid ak Grandans plase dezòmè an eta vijilans wouj. Daprè previzyon responsab sèvis meteyowolojik Ayiti yo, Melissa aktyèlman sitiye a anviwon 500 km sou kot ayisyèn yo, li akonpanye ak van vyolan k ap soufle jiska 200 km/h ak gwo avès ki kapab pwovoke glisman tèren ak inondasyon.
Pwoteksyon sivil envite moun ki rete nan zòn a ris yo pou deplase epi entèdi tout aktivite kabotaj. Li mande tou pou respekte alalèt konsiy sekirite yo.
N ap fè remake plis pase yon dizèn moun deja viktim pami yo twa (3) mò nan depatman Sid.
Jacky Médé Fontaine, Centre à la UNE