Pétion Rosier, Michenat Charlessaint ak Jean Frantz Merzier se 3 moun ki jwenn arestasyon yo nan kad yon operasyon fouy ajan UDMO ki soti Mibalè, polisye ak jij de pè Sodo reyalize nan 2 kay ki nan komin Sodo, jodi dimanch 5 jwen 2022 a byen bonè nan maten.
Nan kad fouy sa a, reprezantan lajistis yo rapòte yo jwenn : yon pistolè ki gen mak Smith and Weeson, ki gen seri SW9VE/ 9mm. Yo jwenn tou yon machin ki imatrikile AA-69814, dola us ak goud, telefòn, kanè bank dola ak goud, kouto, lisans, sigarèt…
Operasyon sa yo ap mennen suit aprè anpil enkoni lajistis ak lapolis di yo gen soupson k ap sikile oubyen ki abite nan kominote Sodo a depi kèk tan, sitou aprè vag moun k ap soti toupatou nan Pòtoprens pou lage kò yo nan zòn rekile yo, sitou Sodo.
Fòs lòd yo deja desann ak 3 moun sa yo nan Mibalè pou pouswit legal yo.
Serondier LOUSIA, Centre à la UNE