Egzamen nevyèm ane ki mete fen ak sik etid fondamantal lan dewoule nan Savanèt menm jan sa ap fèt nan tout kat kwen peyi d’Ayiti lendi 20 jen 2022.
Si pou tout peyi a gen 201280 elèv ki enskri, nan depatman sant gen 13867 elèv enskri ; Pou komin Savanèt, efektif elèv ki patisipe nan eprèv nevyèm ane se 277 prezan sou yon efektif 284 enskri.
Repatisyon elèv kandida yo fèt pa sèks fè nou remake gen plis fi gi patisipe nan egzamen ane sa a ke gason. Swa, 171 fi prezan kont 106 gason prezan. Paralèlman gen 6 fi ki absan kont 1 gason ki pa prezante nan sal egzamen.
Responsab sant egzamen an Enspektè prensipal Abraram Jouthe; Responsab syèj lan Direktè Abner Sainte-Louis ak kòdonatè sikui ,Enspektè zòn Maxène Antoine eksprime rejuisans yo pou fason premye jounen egzamen an kòmanse.
Florince Fragile, Savanèt