DINEPA, atravè Direktè jeneral li M. Guito EDOUARD, devan delege depatmantal la M. Burdry Corriolan, otorite lameri, lajistis, lapolis, notab, pèsonèl biwo a, Direktè OREPA-Centre lan enjenyè Théophil Ostinvil, inogire yon nouvo biwo pou sèvi Centre Technique d’Exploitation (CTE) nan komin Baladè, 6 dawout 2022 a.
Direktè Ostinvil fè konnen: nan moman OREPA-Centre ap batay danble pou amelyore kalite sèvis l ap founi nan vil Beladè a, nouvo biwo sa a se yon trè bon pa anplis.
Enjenyè Vales Noël ki nan tèt biwo sa a fè kwè, li prè pou li kanpe anfas difikilte ki genyen nan sistèm nan avèk èd biwo tou nèf sa a.
Responsab DINEPA yo remèsye tout zanmi teknik ak finansye ki kontribye nan chache lajan, bay anpil lòt èd pou pèmèt kaptaj sous Onde Vert rive posib. Yo pwofite remèsye otorite lokal yo ak popilasyon an pou kolaborasyon yo.
Vis delege a Burdry Corriolan bò kote pa l te pale de tout enpòtans dlo genyen nan komin Beladè.
Èske efektivman DINEPA ap jwenn bayè de fon entènasyonal ki pou ede l pou kapte sous wonnvèt pou bay tout popilasyon an dlo jan y ap tann li an?
