Ant enfòmatisyen de fòmasyon ak etidyan nan 2zyèm ane jiridik, Bruny Frantz anplis de yon polisye de karyè se yon mòdel enspiran
Yon pèsonaj koulè wouj ase ouvè, enb, aparamman respektye Bruny Frantz ke tout moun konnen sou non kòmandan Tori pale nou de karyè l antanke pwofesyonèl espesyalman antanke polisye.
Fèt nan lane 74, nan vil mibalè ki twouve l nan depatman Sant Ayiti, Frantz entegre polis nasyonal Dayiti nan lane 95, dat li gradye kòm ajan 1, konsa enfòmatisyen an kòmanse yon karyè kòm polisye, malgre tout sa, sa enplike.
《Etidyan nan dwa a, deklare sèvi peyi m se te motivasyon m》konsa Frantz kòmanse ak avanti sila nan lanmou ak respè yon angajman konsa mande, e sesi a travè chak eksperyans rive jis jounen jodia.
《 premye eksperyans mwen kòm polisye fèt nan depatman sid presizeman nan zòn, tankou ; Pò-apiman, Chantal ak Okay, aprè se te nan depatman lwès, garaj lapolis nan Delma 2, epi tou nan fon Vèrèt sa ki karakterize dezyèm eksperyans mwen, pa laswit mtap vinn lakay mwen nan depatman Sant presizeman nan mayisad ak Sèka-kavajal 》eksperyans yo anpil pakou an long sepandan karantenè a, pa kache fyète l kòm polisye epi relate moman ki make l a travè angajman sa. Responsab sekirite nan KEP ( konsèy elektoral pwovizwa ) pou PNH nan depatman Sant nan lane 2014, Frantz Bruny se yon pèsonaj ki andose chwa l kòm polisye avek devouman epi respè nan tout dimansyon mo an.
Aprè 28 lane karyè Frantz Bruny, se aktyel Komisè polis nasyonal Ayiti nan komin Beladè depatman Sant Ayiti, sepandan pwofesyonel la fè konnen rèv la pi gwo ke sa, e san demi mezi, kòmandan Tori pou entim yo, vèbalize fyète l ak satisfaksyon l《 lapolis se yon bel enstitisyon, nan kelkeswa peyi depi w rete nan kad lalwa, pandan wap egzèse metye a, ou ta sipoze fè yon bel karyè pwofesyonel, se pou sa map ankouraje tout jèn gason ak jèn fi entegre fòs polis la 》
Jefferson BONISSANT Centre à la Une