Soti 7 pou rive 9 avril 2023, atlèt ayisyen yo te rann yo nan peyi Bahamas pou patisipe nan 50yèm edisyon jwèt Carifta pou kategori U17 ak U20 fanm ak gason. Delegasyon ayisyen an te genyen sèt (7) atlèt fi ak senk (5) atlèt gason, ki bay yon total douz ( 12) atlèt ki te patisipe. Pami diferan patisipan yo Victoria Guerrier ki te nan eprèv 800m fi gategori U20 ranpòte yon meday bwonz nan konpetisyon an pou Ayiti.
Victoria Guerrier ki te nan eprèv 800 mèt fi yo te ranpòte meday bwonz lan ak yon pèfòmas ki repati konsa: 2:11.99 ,2 minit 11segond, 99 tyès.
Youn nan responsab federasyon an Centre à la UNE te kontakte rapòte Ayiti ap prezan nan Repiblik Dominikèn presizeman nan vil Santiago pou l patisipe nan NACAC-champions league- U-13 ak U-15 ki pral dewoule 15 ak 16 jiyè 2023 a.
Nan nivo nasyonal, FHAA planifye pou òganize yon aktivite pou jèn atlèt nan okazyon jounen mondyal «kids athletics» ki se 7 me ki ap vini laa pou kategori U-13 ak U-14.
N ap siyale jwèt Asosyasyon Lib Echanj Karayib la (Carifta Games) se yon konpetisyon atletism ki òganize chak ane pou jèn moun nan Karayib la. Yo fèl pou jèn atlèt ki gen laj 14 a 19 ki soti nan 27 peyi oswa teritwa diferan kote konpetisyon an dewoule youn kont lòt.