Estrikti politik sa ki te rankontre ak laprès semèn sa a, di li regrèt anpil fason sistèm politik tradisyonèl la mete peyi a plis ajenou an.
Yo estime moman an rive pou tout pitit peyi a mete tèt ansanm pou bay peyi a yon fòm dirijan pou pèmèt yo tabli yon lòt mòd gouvènans pou bay peyi a yon direksyon,nan enterè tout sitwayen ak pou se la lwa ki sèvi kòm bousòl san fòs kote pou rive rann gen yon leta fò, nan enterè pèp la, pou divòse ak tout fòm koripsyon, nan bwat leta yo.
Dirijan FLAD la nan chèf lye depatman sant lan, Mèt Prospère THEISME, di yo pa apiye demand prezans fòs etranje a sou sòl la pou ta vin ede PNH la rezoud pwoblèm ensekirite a.
Atravè pwopozisyon sòti kriz li a ki gen 7 pwen ladan l, FLAD plede anfavè ankadreman ekite, yo lib pou fè travay yo elatriye.
Jacquelin NAPOLÉON, Centre à la UNE