Anpil adilt Ameriken di Trump ak Biden pa byen dirije peyi a, 30% ladan fè konnen okenn nan prezidan sa yo pa nan enterè yo
Alòske jou yo ap mache pou eleksyon prezidansyèl Ozetazini ant Donald Trump epi Joe Biden 5 novanm k ap vini an, yon nouvo sondaj ki soti nan Sant « AP-NORC » pou Rechèch sou Afè Piblik, jwenn plis pase mwatye nan adilt Ameriken panse prezidans Biden nan fè peyi a mal, parapò ak lavi a ki vin pi chè sou li, ak nan sa ki gen pou wè ak imigrasyon. Se sa VOA pibliye vandredi 12 avril 2024 la.
Pandanstan, prèske mwatye adilt yo panse prezidan Donald Trump fè peyi a mal tou, nan sa ki gen rapò ak dwa vòt ak sekirite nan eleksyon, relasyon ak lòt peyi, ak lwa sou jete pitit epi ak chanjman klima.
Sondaj opinyon sila a montre tou Ameriken an jeneral panse nan Mezon Blanch, tou 2 lidè yo te fè plis mal pase byen.Lè yo mande yo ki prezidan ki fè plis pou ede sitwayen tankou yo, apeprè yon tyè 1/3 di Donald Trump epi apeprè yon ka 1/4 di Joe Biden.
Finalman, anviwon 30% adilt sa yo deklare ni administrasyon Biden nan, ni pa Trump lan pa t nan enterè yo.
Sérondier LOUISIA, Centre à la UNE