Se o total 10 akize k ap gen pou parèt devan jij, soti 3 rive 7 jen 2024 nan kad yon asiz kriminèl san asistans Jiri, otorite jidisyè yo ap òganize nan jiridiksyon Ench lan.
Komisè gouvènman Ench lan, Marlène ABRAHAM, nan tèt kole ak Dwayen Tribunal premyè enstans lan Windo SINVILIER, de klare bay jounalis de mach sa antre nan kad lit y ap fè pou diminye de tansyon prevantiv pwolonje a.
Men tout kesyon k ap poze bò kote kèk sitwayen nan popilasyon an, èske se 10 ka sa yo ki pi lejè pou la jistis Ench, lè yo konnen kante moun ki gen plizyè ane fèmen dèyè 4 miray ki pa janm pase devan jij. Alòske moun sa yo pa komèt gwo zak.
N ap souliye, kondisyon prizonye yo ap viv nan prizon sivil Ench lan pa vrèman respekte prensip dwa moun.
Prizon ann Ayiti ki se yon fòm lanfè, ti krik , ti krak ou ta gen yon pwoblèm kèl konk ak yon lòt moun kèl konk, rive lajistis, sènten majistra pa mechanste osinon pou dekapitalize w, tou prè pou voye w nan lanfè sa.
Siti a syon sa lakoz anpil moun fèmen nan prizon san konnen pou konbyen yo la.
Vil Ench Jacquelin NAPOLÉON, Centre à la UNE