Rezo sosyal X/Twitter disponib ankò semèn sa a nan peyi Brezil, aprè 40 jou sispansyon platfòm Elon Musk la te bloke, paske li pa t ranpli kondisyon Lakou Siprèm nan peyi Brezil ki gen pou wè ak lit kont dezenfòmasyon te poze.
Jij Lakou Siprèm nan Alexandre de Moraes ki te bay lòd pou bloke
X nan dat 30 out pase a, deside leve sispansyon sa semèn nan.
Pou X tounen disponib ankò nan pi gwo peyi Amerik Latin nan, responsab yo te oblije aksepte efase tout kont yo sispèk ki t ap fè dezenfòmasyon, kote pi fò ladan yo se te sipòtè ansyen prezidan ekstrèm dwat la, Jair Bolsonaro.
Alon Musk oblije peye yon amann ki totalize 28,6 milyon reyal (anviwon 4,8 milyon ewo) epi nonmen yon nouvo reprezantan legal nan peyi Brezil.
Itilizatè yo te akeyi retou sa ak antouzyasm, mo kle tankou: « Nou retounen. Li bon pou retounen. »
Sérondier LOUISIA, Centre à la UNE