Selon Rezo Nasyonal k ap defann dwa moun (RNDDH) ki rapòte masak sa, viktim yo se pèsonaj, granmoun ki gen anviwon 60 lane.
Daprè RNDDH, Masak sa rive akoz yon timoun ki ta tonbe malad. Apre Chèf gang Mikanò konsilte yon bòkò, li aprann se lougawou k ap manje timoun nan.
Pou vanje, Mikanò ak gang li asasinen ak bal ak manchèt, kouto 110 kretyen vivan nan Site solèy (60 moun nan vandredi, 50 lòt nan dimanch).
Anpil nan viktim m yo, se moun ki notab e respektab nan zòn nan, selon òganizasyon an ki souliye timoun ki te malad la mouri malgre tou.
Yon lòt bò, Volker Türk, ki se komisè Nazyonzini pou dwa moun, fè konnen 184 moun pèdi lavi yo nan Site solèy pandan week-end nan akoz vyolans gang yo.
Nan yon konferans pou laprès jodi lendi 9 desanm lan nan peyi Laswis, Volker Türk souliye « Nouvo zak asasinay sa yo ogmante kantite moun ki mouri an Ayiti a 5000 sitwayen pou ane 2024 la ».