Mèt Renan Hédouville, ansyen Pwotektè Sitwayen an, anba detansyon sèvis imigrasyon ameriken yo (ICE). Dapre enfòmasyon ki parèt sou sit ofisyèl ICE 🇺🇸 la, ansyen gwo fonksyonè ayisyen an ap kenbe nan sant detansyon Konte Pickens.
Li enpòtan pou souliye pwofesè Hédouville te arete pandan li t ap ale nan yon randevou pou regilarize sitiyasyon li Ozetazini.
Anplis de sa, depi ane 2025, non Renan Hédouville fè pati yon avi rechèch, apre yon rapò Inite Lit Kont Koripsyon (ULCC) ki akize l dèske li ta patisipe nan detounman fon piblik, nan passasyon ilegal mache piblik, ansanm ak nan zak ki ta anpeche lajistis fè travay li.
Jiskaprezan, enfòmasyon sa yo baze sou akizasyon ki rapòte nan dokiman ak sous ki site yo; yo pa vle di akizasyon yo deja pwouve devan yon tribinal.