Fòs GSF fè konnen mèkredi 14 oktòb 2026, li kontinye mennen operasyon nan plizyè zòn nan peyi a pou limite mouvman gang ame yo, sekirize espas estratejik yo epi fasilite popilasyon an reprann kontwòl espas sa yo.
« Objektif nou se sekirize zòn estratejik yo, limite mouvman gang yo epi remèt espas sa yo bay popilasyon an », se deklarasyon Brigadye Jeneral Elon Clarke, kòmandan adjwen fòs la.
Dapre enfòmasyon GSF la pibliye, operasyon sa yo ap fèt an kolaborasyon ak Polis Nasyonal d Ayiti (PNH) ak Fòs Ame d Ayiti (FAd’H). Fòs la fè konnen entèvansyon sa yo vize pwoteje enfrastrikti enpòtan yo, amelyore sikilasyon moun ak machandiz epi ranfòse sekirite nan zòn estratejik yo.
GSF la site operasyon nan depatman Latibonit, Tabarre ak Site Solèy, pami aksyon k ap antre nan estrateji li pou kontribye nan retablisman estabilite a epi soutni kominote ki afekte yo.
Nan yon videyo repòtaj, fòs la prezante operasyon li yo, difikilte li rankontre sou teren an ansanm ak objektif li nan kad misyon sekirite li ap mennen ann Ayiti.
Pou kounye a, enfòmasyon sa yo soti nan kominikasyon GSF la; yo prezante objektif ak operasyon fòs la deklare l ap mennen.