Vòlè machin: Avoka e konseye ansyen Senatè Rony Celestin anba kòd

ByCentre à la UNE

Mar 9, 2023

Mèt Ronald Pierre, alias Jessico, ki se avoka epi konseye ansyen Senatè Depatman Sant Ayiti a, Rony Celestin jwenn arestasyon li nan vil Ench pou enplikasyon prezime li nan vòlè machin. Lapolis di yo fè arestasyon sila a nan semèn nan.

Lapolis akize Mèt Ronald Pierre ki se propriyetè Jessico Brika brak (JBB) paske li ta nan yon rezo volè machin ki sou fwontyè Ayiti ak Repiblik Dominikèn.

Direktè polis an apre pou depatman sant lan, Frederic Jean Nazaire ki te nan mikwo konfrè nou Jorame Moncher fè konnen yo detèmine pou konbat kontreband ak vòlè machin sou Fwontyè a.

Pòt pawòl polis la pou depatman an Bruny Frantz esplike fwontyè Beladè a se yon veritab koulwa kontreband ak vòlè machin. Li kontinye pou di rezo saa volè machin yo, falsifye dokiman DGI, dwann, chanje plak yo epi al vann yo. Li fini pou li di PNH la ap travay pou trake tout malfra yo.

Hervé Junior Remissainte kise yon anplwaye Direksyon jeneral enpo (DGI) ak Yang Jeisson, se non 2 moun sa yo lapolis di l ap chèche kou chen fou nan kad dosye sila.

Daniel Jean, Centre à la UNE

By Centre à la UNE

Centre à la UNE se yon miltimedya sou entènèt ki te fonde 9 jiyè 2020. Li espesyalize nan bay nouvèl nan lang kreyòl, yon angajman ki reflete vizyon fondatè yo pou fè enfòmasyon pi aksesib pou kominote kreyòlofòn yo. Medya a genyen yon misyon pou enfòme, sansibilize, epi angaje moun sou sijè enpòtan nan sosyete a. Miltimedya sa a prezante atik, analiz, ak editoryal sou diferan domèn tankou dwa moun, politik, ak sosyete. Chak jou, editoryal li yo adrese pwoblèm enpòtan, souvan ak referans ak sitasyon otè ki enspire refleksyon pwofon sou kondisyon jèn Ayisyen yo ak sitiyasyon sosyo-politik Ayiti. Kòm yon medya angaje, li gen yon apwòch edikatif epi li chache ankouraje konsyans ak refleksyon nan mitan lektè li yo. Jounal sa a se tou yon espas pou kreyativite kote li prevwa pou ajoute caricatures k ap ilistre nouvèl oswa evennman k ap pase yo. Centre à la UNE se yon referans pou moun ki vle rete enfòme nan lang yo pi byen konprann. Nouvèl nou yo kredib e verifye ak yon rezo jèn jounalis profesyonèl e konpetan. Ou ka kontakte nou nan: journalcentrealaune@gmail.com e +549 351 262 7841

Non classé