Sete yon aprè midi wo komandman lapolis la kite gen nan tèt li aktyè chèf polis la Normil Rameau planifye yon operasyon nan vilaj de dye, sou gouvènman Jouthe Moise la kote yo te vle antre epi mete anba kòd plizyè chèf gang vilaj de dye
12 mas 2025 la fè 4 lane depi plizyè polisye (Ariel Poulard, Georges Renoit, Georges V. Alexis, Standley Eugène, Desilus Wislet, Lucdor Pierre) te pèdi lavi yo nan yon operasyon ki te echwe nan Vilaj de Dye. 8 polisye te blese, youn te disparèt epi 1 blennde te boule.
Batay kont ensekirite a toujou rete youn nan pi gwo defi Leta ayisyen, lè nou raple polisye sa yo kite tonbe nan kad operasyon vilaj de dye a fanmi yo pat menm ka jwen kò yo pou te antere nan lonè ak diyite sa mande
Kriminèl yo ki pa chome okontrè ki vin inifye, epi okipe plis espas sou teritwa ayisyen, an ba bab mouche Leta ki poko janm ka ran fanmi polisye sa yo jistis
Kèk jou pase yo aprè Leta ayisyen te itilize dwòn kamikaz pou ta fè kèk operasyon nan vilaj de dye chèf gang Izo te pran rezo pou di sa li te fè 12 mas 2021 an pa anyen devan sa li pare pou polisye yo, eske Leta ayisyen ap toujou kite polisye li yo imilye devan gang ame san fanmi, zanmi ak enstitisyon polis la pa jwenn jistis?
Joseph Samuel GUILLAUME, Centre à la UNE