Dieudonné Larose, chantè lejandè ayisyen an mouri ak 81 lane. Nouvèl la genyen efè yon bonm. Selèb chantè ayisyen an Dieudonné Larose fè gran vwayaj la vandredi 9 janvye 2026 la nan Kanada, aprè yon kansè pwostat, daprè enfòmasyon medya lokal yo releye._
Dieudonné Larose ki se yon lejann nan mizik ayisyèn nan pati kite nou. Li mouri vandredi 9 janvye 2026 la avèk 81 lane. Konpa Dirèk la pèdi yonn nan mizisyen li yo ki genyen plis talan : Dieudonné Larose. Chantè, konpozitè ak aranjè, selèb atis la mouri nan lopital ki nan « Cité-de-la-Santé » nan Laval, Kanada.
Otè tit a siksè « Aksidan », papa prè yon ventèn timoun, Dieudonné Larose ki pran nesans 5 jen 1945 make mizik ayisyèn nan pandan anviwon 48 lane. Pami chanson li yo ki pi selèb yo nou jwenn « Mandela », « Jolie Minou » oubyen ankò « Guerre Mondiale ».
Kite nou raple, Dadou André Pasquet, 72 lane, gitaris epi yon lejann nan mizik ayisyèn nan, te mouri daprè yon piblikasyon fanmi li te fè 23 novanm 2025 la. Selon sa yo te ekri, Dadou Pasquet t ap soufri depi kèk jou a yon maladi. Li te ansyen manm « Tabou Combo » epi li te fonde « Magnum Band » ansanm ak divès lòt kolaboratè li.
Yon lòt bò, definitivman, aprè soup joumou, UNESCO enskri ofisyèlman mizik ayisyen an « KONPA » ki genyen plis pase 60 lane, nan lis <
Nan entèval mwens pase de mwa, 2 gwo mastondonk nan mizik ayisyèn nan ki se Konpa Dirèk fè vwèl pou peyi san chapo : Dadou André Pasquet ak Dieudonné Larose. Sou rezo sosyal yo, anpil temwayaj ak omaj pou salye memwa gran òm sa, Dieudonné Larose, ki fè de vi li yon konba san kanpe pou denonse vyolans, lagè ak opresyon pèp yo atravè mond lan.
Jacky Médé Fontaine, Centre à la UNE