Remanyman ministeryèl ki te anonse a fin pare, e plizyè nouvo pèsonalite pral entegre Gouvènman Chèf Egzekitif la, Alix Didier Fils-Aimé, sòf si gen chanjman dènye minit.
Dapre enfòmasyon ki disponib yo, kèk minis ap kontinye nan fonksyon yo. Se ka Patrick Pélissier, Paul Antoine Bien-Aimé, Pédrica St-Jean, Kathia Verdier, James Monazard ak Bertrand Sinal, ki tou konsève pòs yo nan nouvo ekip la.
Nouvo randevou yo
Nan kad remanyman sa a, plizyè nouvo non parèt pou dirije kèk ministè kle nan administrasyon piblik la:
Marc Élie Nelson pran tèt Ministè Afè Sosyal ak Travay.
Dumas PYTHAGORE minis jenès espò ak aksyon sivik (#MJSAC) et Mario ANDRESOL
Minis defans.
Enjenyè Almat Pierre Louis ap dirije Ministè Travay Piblik.
Emmanuel Ménard nonmen nan tèt Ministè Kilti ak Kominikasyon.
Maxime Aubourg resevwa responsabilite Ministè Agrikilti.
Sandra Paulemon ap pran direksyon Ministè Planifikasyon ak Koperasyon Ekstèn.
Raina Forbin nonmen nan Ministè Afè Etranjè ak Kilt.
Josué Cénat pral dirije Ministè Touris.
Serge Gabriel Collin pran tèt Ministè Finans.
Pastè Vijonet Demero nonmen kòm Minis Edikasyon ak Fòmasyon Pwofesyonèl.
Anplis, yo anonse Ministè Jenès, Espò ak Aksyon Sivik la ap konfye bay Pati Ayisyen Tèt Kale (PHTK).
Remanyman sa a vini nan yon kontèks kote otorite yo ap chèche bay administrasyon piblik la yon nouvo dinamik. Plizyè obsèvatè ap tann pou wè kijan nouvo ekip la ap reponn ak gwo defi peyi a ap fè fas yo, sitou sou kestyon ekonomik, sosyal ak sekirite.
Tout Minis ki nan fonksyon kounye a yo konvoke pou patisipe, lendi 2 mas 2026, nan yon Konsèy Minis ki ap fèt nan Rezidans Ofisyèl Premye Minis la.
Plis detay ofisyèl sou enstalasyon nouvo minis yo ta dwe kominike nan jou k ap vini yo.