Li «enposib» pou peyi oksidantal yo izole Larisi malgre sanksyon yo pran kont Moskou yo ki reprezante yon «menas pou lemonn antye» Prezidan Ris Vladimir Putin te di ayè Mèkredi a nan yon fowòm ekonomik ki te konsantre pou peyi nan Azi yo.
Poutine fè konnen «Kèlkeswa kantite moun ki ta renmen izole Larisi, li enposib pou fè sa,» Li te pwofite lanse Mèkredi 6 septanm nan yon fowòm ekonomik ki te konsantre nan pwovens Lazi nan Vladivostok, nan Ekstrèm Oryan Ris la. Nouvo pandemi Koronaviris la “te ranplase pa nouvo defi mondyal, ki menase lemonn antye. Mwen vle di lafyèv sanksyon peyi Lwès yo», li te ajoute.
Prezidan Ris la denonse «refi tèt di elit oksidantal yo pou yo wè reyalite yo» ak «dominasyon sousou anba men peyi Etazini» nan aplikasyon an nan gwo sanksyon kont Larisi apre ofansif ki te fèt nan Ikrèn depi nan fen mwa fevriye. «Chanjman irevokab te fèt nan tout sistèm relasyon entènasyonal,» li te note. Malgre tout sanksyon peyi Lwès yo, prezidan Ris la deklare ke Larisi «pa pèdi anyen epi yo pa pral pèdi anyen». «Gen kèk polarizasyon k ap pase, men mwen panse ke li pral sèlman benefisye,» Se sa l te fè konnen
Devan anpil lidè ekonomik ak politik Azyatik, patikilyèman Chinwa, li te salye tou relasyon peyi yo k ap grandi nan rejyon Azi-Pasifik la nan mond la, kontrèman ak yon Lwès ke li dekri ki sou bès pratikilyèman ak koze enflasyon an.
Fè fas ak «agresyon teknolojik, finansye ak ekonomik nan Lwès la», prezidan Ris la te di ke li te kontan ak «ti pa ti kras distans» nan ekonomi an Ris ki soti nan dola a, euro a ak liv Sterling la, paske «lajan sa yo enfidèl», an patikilye Yuan Chinwa a.