Nou nan 251èm jou, 36èm senmèn e 9èm mwa nan ane a.
Provèb pou jounen an di: Kè se kòf
Yon jou tankou jedi 8 Septanm
1664: Neyèlandè yo kite novo Amstèdam pou anglè yo e bal pote yon lòt non « Nou Yòk »
1831: Lame ris la okipe Vasovi aprè 2 jou nan batay e fè disparèt revolisyon polonèz la
1855: Gè nan Krime pral jwenn bout li
1926: Almay pral rantre nan Sosyete Nasyon yo (SDN)
1972: Aviyasyon israyelyen bonbade 10baz palestinyen nan peyi Liban ak Siri aprè ansasine atlèt israyelyen yo nan jwèt olenmpik nan vil Minik an Almay
1991: Aktè ameriken Brad Davis mouri mò Sida. Aktè Davis te make pasaj li nan fim « Midnight express »
1994: Twa alye oksidan yo: Lafrans, Etazini, Grandbretay kite Bèlen aprè 44 lane.
2002: Kore di Nò ak Kore di Sid deside mete yon espas pou retwouvay pou fanmi ki gaye yo aprè divizyon 2 Kore yo.